تاريخ: ۱۳۹۷ يکشنبه ۲۸ مرداد ساعت ۱۰:۳۶ بازدید: 987      نظرات: 0      کد مطلب: 9994
بۆ یه‌که‌م جار له ڕێگه‌ی هاژه‌وه

شێعرێكی مامۆستا هێمن که له دیوانه‌که‌یدا نییه بڵاو کرایه‌وە


سەلاحەددین ئاشتی


برای بەڕێزم مامۆستا سدیق ساڵح لە بنکەی ژینەوە ئەم دیارییە بەنرخەی بۆ ناردووم و ئاوای نووسیوە:
سڵاو براکەم!
ئەمە شێعرێكی هێمنە لە دیوانەكانی‌دا نییە؛ ئەم ڕۆژانە لەناو ئەوراقی بەهەشتی "ڕەفیق حیلمی"‌دا دیمەوە كە تازەكی لە بنەماڵەكەیم وەرگرتووە؛ بەڵگەنامەی گرنگی تێدایە، حەزم كرد جەنابتان بیبینن.  


هەمیشە تەوئەمی ئەندووھ و هەمسەری میحەنم
نەماوە قووەتی ئەژنۆم و تاقەتی بەدەنم
نییە تەفاوەت و فەڕقێك لە بەینی كوند و منا
منم كەلاوەنشین و كەلاوەیە وەتەنم
لەگوێن بەهەشتە وەتەنیان ئەوانی پێدەكەنن
كەلاوەیە وەتەنی من، ئیرادە پێبكەنم
ڕەفیقی كوندی كەلاوەنشین ببم حەیفە 
ئەمن كە هەمدەم و ئاواڵی بولبولی چەمەنم
مەڵێن خەرابوو ئورووپا و ئاسیا، چ بكەم
وەتەن خەرابە، چ دەربەستی "بیرلەن" و "پیكەن"م؟
لە عیشقی تۆیە وەتەن، ئەی وەتەن كە وەك فەرهاد
بە نووكی تیشەیی خۆم بێستوون هەڵدەقەنم
خوایە یارمەتیم دە، ئەمن خەریكی ئەوەم
نەمامی دووبەرەكیی كورد لە ڕیشە هەڵبكەنم

م. ش. هێمن، بانەمەڕی ١٣٢٢ / ١٩٤٣
دیارە وەك لە سەرەوە نووسراوە هی دەورانی "ژێ. كاف"ە و هەر ئاوا وەکوو دیاری بڵاو کراوەتەوە. 
بۆ ئاگاداریتان: تەنیا ڕێنووسیم گۆڕیوە.
                             
                                      سدیق ساڵح، سلێمانی



ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد