به ڕاپۆرتی ئاژانسی هاژه، ئه‌م جۆره باترییه له ژێر ناو و به مارکه‌ی "برووسکه" ڕه‌وانه‌ی بازاڕی ئۆتۆمبیلی ئێران کراوه و تاکوو ئێسته‌ش پێشوازی باشی لێکراوه.
ئه‌م به‌رهه‌مه پیشه‌ییه له لایه‌ن برایانی زارع له شاری سنه به‌رهه‌م هاتووه و به هۆی لێهاتوویی به‌رهه‌مه‌که و له میانه‌ی ڕێوڕه‌سمێکدا، برایانی زارع و کۆمپانیاکه‌یان ڕێزیان لێگیرا.
شایانی باسه که ئێران چه‌ندین جۆره ئۆتۆمبیلی ناوخۆیی به‌رهه‌م دێنێت و بۆ چه‌ندین وڵاتی جیهانیش هه‌نارده‌یان ده‌کات. ئه‌مه‌ش بووه‌ته هۆی ئه‌وه‌ی که به‌رهه‌م هێنانی پارچه‌کانی دیکه‌ی ئۆتۆمبیل له ئێران بازاڕی باشی هه‌بێت و لاوانی کوردیش له‌م که‌رته‌دا سه‌رمایه‌دانه‌ری بکه‌ن.
