| تاريخ: ۱۴۰۲ شنبه ۱۰ تير ساعت ۱۹:۴۸ | بازدید: 585 نظرات: 0 کد مطلب: 21447 |
قاڵی ئاسنینی بیجاڕی کوردستان تۆماری جیهانی کرا
کارگێڕی کۆمپانیای شارۆچکە پیشەییەکانی کوردستان گوتی: قاڵی ئاسنینی بیجاڕ دوای ماوەیەکی درێژ شوێنگیری وهەوڵدان، تۆماری جیهانی کرا.
حەمیدڕەزا ئەمانی گوتی: بە شوێنگیرییەکانی کۆمپانیای شارۆچکە پیشەییەکان و هۆشەی فەرش، برەندی قاڵی ئاسنینی بیجاڕ تۆماری جیهانی کرا.
ناوبراو بە ئاماژە بە ئەوەی کە کوردستان خاوەن 2 برەندی قالی دەسچن بە ناوەکانی ئاسنینی بیجاڕ و تەک پۆی سنەیە، ڕایگەیاند: بە پێکهێنانی هۆشەی پیشەیی قاڵی لە پارێزگا لە سێ ساڵی ڕابردووەوە تا ئێستا بەشێوەی تایبەت کاروباری پێوەندیدار بە تۆماری جیهانیی ئەو دوو برەندە خرایە دەستووری کارەوە.
ئەمانی زیادی کرد: ئێشتا قاڵی دەستچنی ئاسنینی بیجاڕ تۆماری جیهانی کراوە و بێ گومان لە داهاتوویەکی نزیکیشدا تەک پۆی سنەش تۆمار دەکرێت.
گرینگترین تایبەتمەندی ئەو تۆمار کردنە گەشەی بازاڕی قاڵی و هەناردە کردنی ئەو بەرهەمە بەنرخە لە ئاستی جیهانە.
|
