تاريخ: ۱۴۰۰ جمعه ۲۹ مرداد ساعت ۹:۰ بازدید: 538      نظرات: 0      کد مطلب: 16399

سووکەئاوڕێک لە فێستیواڵی چیرۆکەڵەی هاژه



 
چیرۆکەڵە یان Flash Fiction لە درێژەی بزووتنەی مینیماڵیسم لە دەیەی ١٩٦٠ی زایینی کە لە زۆربەی هونەرەکانی وەک مووسیقا، نیگارکێشی و ئەدەبیات دەستی پێکردبوو، بەدی هات.
چیرۆکەڵە لە ڕاستیدا دژکردەوەی چیرۆک‌نووسان بوو لە هەمبەر کۆمەڵگای مۆدێڕن و ئەمڕۆیی و لە ڕوانگەی کۆمەڵناسییەوە، یەکێک لە بەرهەمەکانی هونەریی مۆدیرنیزمە.

ئانتوان چۆخۆف، ئێدگار ئالێن پۆ، ئێرنێست هێمینگۆی، فاکنێر و هێنری جێیمز لە گەورەترین چیرۆکەڵەنووسانی مێژووی ئەدەبیاتی جیهان بە هەژمار دێن.

لە مێژووی هاوچەرخی ئەدەبیاتی فارسی و کوردی ئەگەرچی کورتەچیرۆک جیگە و پێگەیەکی قورس و قایمی هەیە، بەڵام دۆخی چیرۆکەڵه تەواو جیاوازه و دەستپێک و لە دایک‌بوونی نادیارە و بۆشاییەکی تەواو لەم بەستێنەدا هەست پێ‌دەکرێ.


له پێگەی هەواڵیی هاژه، وەک ناوەندێکی خاوەن‌کەڵکەڵه لە بواری کۆمەڵایەتی، فەرهەنگی، هونەری و ئەدەبی لە ساڵی ١٣٩٦ بیرۆکەی فێستیواڵیکی تایبەت بە چیرۆکەڵەی کوردی بە مەبەستی پڕ کردنەوەی بەشێک لەم بۆشاییە و پشتیوانی له بەرهەم‌هێنانی چیرۆکەڵە و بڵاوکردنەوی زیاتری بەرهەمی چیرۆکەڵەنووسانی کورد هاتە ئاراوە و لە لای ئەندامانیەوە پەسەند کرا.


یەکەم فێستیواڵی چیرۆکەڵەی کوردی:

بانگەوازی ئەم فێستواڵە لە ڕۆژی چواری مانگی ڕەشەمەی ئەم ساڵه بڵاو بۆوە. وەک یەکەم جار لە بەڕێوەچوونی فێستیواڵیکی لەم چەشنە لە مەهاباد و کوردستان دا، ڕێژەی و پانتایی جوغڕافیایی بەرهەمەکانی ناردراو بۆ دەبیرخانەی ئەم فێستیواڵە جێی سرنج بوو. نیزیک لە سەت چیرۆکەڵە لە ٥٣ نووسەر لە پارێزگاکانی ئازەربایجانی ڕۆژئاوایی، کوردستان و کرماشان بەڕێکرابوون. براوەکانی ئەم فێستواڵە ئەم نووسەرانە بوون:

محمد مردانی افضل لە پیرانشار، کمال محمودی لە مەهاباد، هاجر رمضانی خواه لە بۆکان، هیمن عبدالله پور لە بۆکان، ولی فتاحی لە ڕوانسەر

دووەم فێستیواڵی چیرۆکەڵەی کوردی:

دوای دەنگ‌دانەوەی فێستیواڵی یەکەم، ساڵی دواتر هاژه بڕیاری دا ئەم فێستیواڵە لە پانتایەکی گەورەتردا و لە ئاستی ئێران‌دا بەڕێوە ببا، هەربۆیەش لە ساڵی ٩٨ بانگەوازەکەی گەورەتر کردەوە. ٨٨ چیرۆکەڵەنووس لە پێنج پارێزگای: ئازەربایجانی ڕۆژئاوایی، کوردستان، کرماشان، ئیلام و لوڕستان ١٥١ بەرهەمیان بە زاراوەکانی سۆرانی، کورمانجی، هەورامی، کەڵهووری و لەکی بۆ دەبیرخانەی فێستیواڵ نارد.لە ڕێ‌و‌ڕەسمێکی قەرەباڵغ بە بەشداری چالاکانی بواری ئەدەبی کورد و هۆگرانی چیرۆک و چیرۆکەڵەی کوردی ئەم کەسانە وەک براوە ڕێزیان لێ گیرا: آزاد عزیزی له بۆکان، هیمن عبداله پور له بوکان، نسرین باباخانی له کرمانشاه، مسعود طه زاده له مهاباد، شادی پاکزاد و رضا فروغی لە مهاباد

سێهەم فێستیواڵی چیرۆکەڵەی کوردی:

ئەگەرچی بڵاوبوونەوەی ڤایرۆسی کڕۆنا لە دواییەکانی ساڵی ٩٨ و سەرەتاکانی ساڵی ٩٩ و بگرە ئێستاش، دەرگای زۆربە ڕێ‌وڕەسم و فێسیواڵەکانی لە سەرانسەری جیهان گاڵە دا، بەڵام لێژنەی بەڕێوەبەریی فێستیواڵی چیرۆکەڵەی کوردی سوور بوو لەسەر بەڕێوەبردنی سێهەم دەورەی ئەم فێستواڵە بە شێوەی ئینتێرنێتی و مەجازی. ئەم جارەیان پێشوازییەکی سەرسووڕهێنەر لە لایەن نووسەرانەوە لەم فێستیواڵە کرا. ۲۴۷ بەرهەم لە ١٣٦ چیرۆکەڵەنووس بە زاراوەکانی سۆرانی، کورمانجی، هەورامی، کەڵهووری، لەکی و ئەردەڵانی بۆ دەبیرخانە بەڕێ کرا. لە دواییش دا بە شێوەی مەجازی لێژنەی داوەران ئەم نوسەرانەیان وەک براوەی ئەم فێستیواڵە ناساند: فرید عباسی لە بۆکان، آزاد عزیزی لە بۆکان، بیژن رحمانی له بۆکان، منصور مهرجویان له مەهاباد و کویستان عبداللهی له مهاباد

چوارەم فێستیواڵی چیرۆکەڵەی کوردی:

بانگەوازی چوارەم فێسیواڵی چیرۆکەڵەی کوردی لە کاتێک‌دا بڵاو بۆوە کە سێبەری نگریسی پەتای کڕۆنا بە سەر کوردستان هەر زال بوو. بەڵام ئەوەی بەلای بەڕێوبەرانی ئەم فێستیواڵەوە نەدەکرا و ناکرێ لە بڕەو بکەوێ، نووسینە و نووسینە و نووسین. هەر بۆیە شێلگیرانەتر لە پێشوو، بە زیادکردنی بەشی وتار، ئامادەبوون بۆ ساڵی چوارەم و فێستیواڵی چوارەم، بە شێوەی مەجازی میوانداری لە چالاکان، نووسەران، ڕەخنەگران و بە تایبەت چیرۆکەڵەنووسانی کورد لە سەرانسەری ئێران بکەن و بەرهەمەکانیان وەربگرن. لەم دەورەیەدا ۲۶۵ بەرهەم بە زاراوەکانی سۆرانی، کورمانجی، کەلهوڕی، لوڕی و هەورامی هەناردەی دەبیرخانەی فێستیوال کراون و لە لایەن لێژنەی داوەران «کە لە هەرکام لە دەورەکان حەول دراوە کەڵک لە کەسانی لێهاتوو و پسپۆر وەربگیرێ» هەلسەنگێندراوە و ئاکامەکەی تاکوو چەند ڕۆژی داهاتوو بڵاو دەکرێتەوە.

پێنجەم فێستیواڵی چیرۆکەڵەی کوردی:

بەپێی هەل‌ومەرجی ئێستا و دەستپێکی وەشاندنی پێکووتەی کڕۆنا لە شارەکانی ئێران، وا چاوەروان دەکرێ تاکوو دەورەی داهاتوو ڤایرۆسی کڕۆنا نەختێک پاشەکشە بکا و دەرگای هۆڵە هونەرییەکان بکرێنەوە.

لەم دۆخەدا هاژە حەول دەدا بە بەڕێوەبردنی پەنێلێکی زانستی لەسەر چیرۆکەڵە بەرەو پیری فێستیواڵی پێنجەم بچێ. ئینجا لە گشت نووسەران و هۆگرانی چیرۆک و چیرۆکەڵە دەخوازێ بە نووسین یان بە دڵگەرمی، پشتیوانی فێستیواڵی پێنجەمی چیرۆکەڵەی هاژە بن.




ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد