| تاريخ: ۱۳۹۵ شنبه ۲۷ آذر ساعت ۱۷:۳۸ | بازدید: 2015 نظرات: 0 کد مطلب: 2459 |
وت‌ووێژی تایبەتی هاژە لەگەڵ هونەرمەند عەبدوڵڵا ماملێ
هونەرمەند عەبدوڵڵا ماملێ لە وت‌ووێژ لەگەڵ هەواڵنێری هاژە ڕایگەیاند ڕێکەوتی 2ی بەفرانبار کۆنسێرتێک هاوڕێ لەگەڵ گرووپی موزیکی "کەویار"ی سنە لە تالاری وەحدەتی شارەداری مەهاباد بەڕێوەدەچێت .
عه‌بدوڵڵا ماملێ وتی: دوای شۆڕشی گەلانی ئێران بۆ یه‌که‌م جارە کە لە مەهاباد کۆنسێرت دادەنێم و ئەوەش ده‌گه‌ڕیته‌وه بۆ ئه‌وه که دوای بڵاوبوونه‌وه‌ی گۆرانی "نازەنین" پێشوازییه‌کی بێ‌وێنەی لێکرا و لە سەر داواکاری و هاندانی دۆستان تەمام بە دانانی کۆنسێرتێک گرت.
ناوبراو لە درێژەی پرسیاری هەواڵنێری هاژە سەبارت بە ئەوەیکه کۆنسێرتەکە چەند گۆرانی لە خۆ دەگرێ ڕایگەیاند له‌م کۆنسێرته‌دا 8 ئاهەنگ و 2 مەقام (قەتار) ئیجڕا ده‌بێ کە لە دەستگاکانی "شوور" و "ئیسفەهان" دا دەگوترێن و لە کۆی ئەو چەند گۆرانییە کە پێشکه‌ش دەکرێن، دووانیان بە نێوی "ئاگر بارانە" و "سەروی خەرامان" شێعر و ئاهەنگەکانیان بۆخۆم دامڕشتوون کە بۆ یه‌که‌م جار بڵاو ده‌بنه‌وه و شێعری "تۆ بەڵێنیم پێ‌بدە" ی مامۆستا هێمن ئاهەنگم بۆ داناوە و لەوێ ئیجڕا دەکرێ.
ڕێزدار ماملێ لە درێژەدا گوتی کە کۆنسێرتەکە بۆ ماوەی یەک ڕۆژ دەبێ و ئەگەر پێشوازی لێبکرێ بۆ یەک دوو ڕۆژی دیکەش درێژ دەکرێتەوە. ئه‌م هونه‌رمه‌ند له درێژه‌دا وتی: ئەو کۆنسێرتە بێجگە لە مەهاباد، لە شارەکانی سەقز و مەریوانیش بەڕێوەدەچێ.
