| تاريخ: ۱۳۹۵ چهارشنبه ۲ تير ساعت ۱۸:۳۴ | بازدید: 1261 نظرات: 0 کد مطلب: 1167 |
کۆتایی ئۆپراسیۆنی تورکیا لە ناوچە کوردنشینەکان ڕاگه‌یەندرا
سه‌رۆک وه‌زیری تورکیا له کۆتایی هاتنی ئۆپراسیۆنی ئه‌رته‌شی ئه‌م وڵاته دژه په‌که‌که هه‌واڵی دا و وتی: ئێستا کاتی نۆژه‌ن کردنه‌وه‌یه.
بە پێ هەواڵی پێگەی هەواڵی هاژە، بینالی ئیلدریم سه‌رۆک وه‌زیری تورکیا کۆتایی هاتنی به وته‌ی ئه‌و "ئۆپراسیۆنی نیزامی" ئه‌رته‌شی ئه‌م وڵاته له پارێزگا ڕۆژهه‌ڵاتییه‌کانی ڕاگه‌یاند.
ئیلدریم وتی: ئێستا ئۆپراسیۆنی سه‌ربازی کۆتایی هاتووه و کاتی نۆژه‌ن کردنه‌وه‌ی کۆمه‌ڵایه‌تی و بنیاتنانه‌وه‌یه.
وتیشی: ئێمه بینا ڕووخاو و کاوله‌کان به بینای جوانتر دووباره بنیات ده‌نینه‌وه و ئه‌م پرۆژه‌یه‌مان ده‌ستپیکردووه.
سه‌رۆک وه‌زیری تورکیا جه‌ختی کرد که ئیستا ئۆپراسیۆن کۆتایی هاتووه و کاتی هه‌ڵگرتنی هه‌نگاوی نوێیه.
له ئه‌نجامی ئۆپراسیۆنه‌کانی ئه‌م ساڵانه‌ی دوایی ئه‌رته‌شی تورکیا له ناوچه کوردنشینه‌کانی ئه‌م وڵاته، کاولکاری زۆر هاتووه‌ته ئاراوه.
سەرچاوە: مێهر
