تاريخ: ۱۳۹۷ دوشنبه ۱۷ ارديبهشت ساعت ۱۳:۹ بازدید: 1347      نظرات: 2      کد مطلب: 6490

هونه‌رمه‌ندێکی بواری مۆسیقای فۆلکلۆری کوردی له مەهاباد کۆچی دوایی کرد


 به پێی هه‌واڵی هاژه ڕۆژی دووشەممه 17ی بانه‌مه‌ڕ هونه‌رمه‌ندێکی بواری مۆسیقای ڕەسەنی کوردی له شاری مەهاباد کۆچی دوایی کرد.

حه‌سەن مستەفاپوور ناسراو به "حه‌سەن تووزەله" دوای ماوەیه‌ک نە‌خۆشی له ته‌مه‌نی 92 ساڵیدا له شاری مەهاباد کۆچی دوایی کرد و ته‌رمی له گۆڕستانی هونەرمەندان به خاک ئه‌سپێردرا.

ئه‌و هونه‌رمه‌ندە له‌گه‌ڵ هونەرمەندانێک وەک حه‌سەن زیرەک، محه‌ممه‌دی ماملێ، مەلا حوسێن، برایمی قادری و... کاری هونه‌ری کردووە و تووزەله‌ی بۆ لێداون.

شه‌هباز شاهین پوور مامۆستای بواری مۆسیقا سەبارەت به کەسایه‌تی حه‌سەن تووزەله به هاژه‌ی گوت: مامۆستا حه‌سەن تووزەله یه‌کێک له گه‌ورەترین ژەنیارانی ئامێری تووزەله بوو که ئامێرێکی کۆنی فۆلکلۆری کوردییه و بەڕێزیان به باشترین شێوە ئه‌و ئامێرەیان پاراستبوو و نه‌وا کۆن و بەیته‌کانی له‌به‌ر بوو و دەتوانین بڵێین گه‌نجینه‌یه‌کی گه‌ورە بوو بۆ مۆسیقای کوردی .

هه‌روەها وتی: له به‌شی مۆسیقای دەنگ‌وڕەنگی ناوەندی مەهاباد زۆربه‌ی کارەکانی تۆمار کراوە و پارێزراوە و حه‌ول دەدەین بڵاویان بکەینه‌وە.

ساڵی 1367 له فێستیواڵی مۆسیقای سوننه‌تی ـ ئایینی خەڵاتی زێڕینی مۆسیقای له وەزارەتی فەرهه‌نگ و ئیرشادی ئیسلامی ئێران پێدراوە، خاوەن چەندین دیپلۆمی ئیفتخار بووە و له کۆتاییدا پله‌ی ئوستادی و دکتۆرای ئیفتخاریان پی به‌خشیوە. 

وێنە: ئارشێوی هونەرمەند مەناف ئیرانپەنا 










ارسال به دوستان
ارسال به دوستان
چاپ
نسخه چاپی


نظر کاربران

0
0
پاسخ به این اظهارنظر

همشهری هستم ۱۳۹۷/۲/۱۷
روحش شاد وبهشت برین جایگاهش .انشاالله.بیاییم تا زمنیکه این هنرمندان وگنجینه ها زنده اند قدرشان را بدانیم.پس از مرگ چه فایده ای دارد صحبت وجشن گرفتن ویادواره درست کردن؟.البته اگر هردو عمل انجام شود بسیار عالیست.خداوند به بازماندهگانش صبر عطا فرماید.
0
0
پاسخ به این اظهارنظر

سوران له مهاباد ۱۳۹۷/۲/۱۷
خوا لیه ی خوش بیه خوا جزای ایه وی به ریه زیش بداته وه بداخه وه زوریش به داخه وه انسانی فقیر کس به مرگیشی نازانیه زور به داخه وه اگر کسیه کی ده وله مند با ترمه که یان روژیک را ده گرت وه سه داوسیمابانگه وازی بوتشیع جنازه کی راده گه یاند. براستی دست و چاوی ته واوی زحمت کیشانی کانالی هاژه خوش بیه که له هه مو کور وه کوبونه وه یکی دا بش داری ده کن. به نوبه ی خوم سه ره خوشی له هه موزحمت کیه شانی کاناله کتان ده کم وه له هه مو اعزای گوروهه کانالی هاژه ش ده کم هیوادارم خوا روحی او ماموستا به ریه زه به بحه شتی به رین شاد بکات. خواجزای به خیه ری ایه وه ش بداته وه

نظر خود را براي ما ارسال كنيد