| تاريخ: ۱۳۹۵ يکشنبه ۸ فروردين ساعت ۱۳:۱۸ | بازدید: 1005 نظرات: 0 کد مطلب: 1396 |
ته‌قینه‌وه‌ی مین کرێکارێکی شاره‌داری مه‌هابادی بریندار کرد
ته‌قینه‌وه‌ی مینێکی به‌جێماو له سه‌رده‌می شه‌ڕی ئێران و عێراق له شاری مه‌هاباد ئێواره‌ی ڕۆژی شه‌ممه 7ی خاکه‌لێوه بوو به هۆی بریندار بوونی کرێکارێکی شاره‌داری.
به پێی هه‌واڵی هه‌واڵده‌ری هاژه، فه‌رمانده‌ی ئینتزامی مه‌هاباد ڕایگه‌یاند: ئه‌م ڕووداوه له شه‌قامی ساحلی ئه‌م شاره و له گه‌ڕه‌کی گومرکی خوارێ له نێو فه‌زای سه‌وز ڕووی داوه.
سه‌رهه‌نگ بابانیژاد هه‌روه‌ها وتی: ئه‌م ڕووداوه کاتێک هاتۆته ئاراوه که کرێکارانی شاره‌داری خه‌ریکی کار کردن له فه‌زای سه‌وز، هه‌ڵکه‌وتوو له‌م گه‌ڕه‌که‌دا بوون و بێڵی یه‌کێک له کرێکاره‌کان له مین که‌وتووه و بۆته هۆی ته‌قینه‌وه.
ئه‌و هه‌روها ڕاشیگه‌یاند: له‌م ڕووداوه‌دا لاقی کریکارێکی شاره‌داری بریندار بووه و خێرا به‌ڕی کراوه‌ته نه‌خۆشخانه‌ی شاری مه‌هاباد.
سه‌رهه‌نگ بابانیژاذ وتێ: ئه‌و كڕێكاره ئێستا له نه‌خۆشخانه ڕاگیراوه و به‌خته‌وه‌رانه به گشتی بارودۆخی باشه. له سه‌ر ئه‌م ڕووداوه‌ش خه‌ریکی لێکۆڵینه‌وه‌‌ین و دواتر زانیاری زیاتر له به‌ر ده‌ستی ڕاگه‌یاندنه‌کان ده‌نێین.
سه‌رچاوه: ئیرنا/ وه‌رگێڕان: هاژه
