| تاريخ: ۱۳۹۶ شنبه ۲۰ خرداد ساعت ۱۸:۲۰ | بازدید: 1720 نظرات: 0 کد مطلب: 3985 |
وێنه‌یه‌كی ئاكرێ خه‌ڵاتێكی گه‌وره‌ی ئه‌مریكی پێ ده‌درێ
به ڕاپۆرتی هاژە وێنه‌یه‌كی شارۆچكه‌ی ئاكرێی باشووری كوردستان، خه‌ڵاتێكی گه‌وره‌ی پێده‌درێت. فۆتۆگرافه‌ری ئه‌مریكی "سباستیان مێیه‌ر" كه فۆتۆگرافه‌رێكی ئه‌مریكییه و ماوه‌ی چه‌ند ساڵێك له كوردستان، به تایبه‌تی شاری سلێمانی ژیاوه‌و زمانی كوردیش فێر بووه، ساڵی 2010 وێنه‌یه‌كی نه‌ورۆزی ئاكرێی گرتووه‌و توانیوویه‌تی خه‌ڵاتێكی گه‌وره‌ی بواری قۆتۆگرافی پێزوه‌ربگرێت.
ئه‌و خه‌ڵاته ناوی (PDN) و له لایه‌ن گۆڤاری فۆتۆگرافه‌ریی ئه‌مریكی له شاری نیویۆركی ویلایه‌ته یه‌كگرتووه‌كانی ئه‌مریكا دراوه‌ته سباستیان مێیه‌ر.
وێنه‌ی فۆتۆگرافه‌ره ئه‌مریكییه‌كه، ئه‌و ساته گیراوه، كه كۆمه‌ڵێك له گه‌نجان و لاوانی شاری ئاكرێ، به جل و به‌رگی كوردی و مه‌شخه‌ڵی ئاگری نه‌ورۆزه‌وه به‌ره‌و سه‌ر چیای ئاكرێ كه‌وتوونه‌ته رێ و حه‌ماسه‌ت و چالاكییان پێوه دیاره.
سباستیان ناوی له وێنه‌كه ناوه " له‌ژێر هه‌ر بسته ئاسمانێكدا" و له رێگه‌ی وێنه‌كه‌وه باسی خه‌باتی نوێی كورد ده‌كات بۆ ئازادی و ئاماژه‌ی به‌وه‌شكردووه كه له پاش ساڵی 2003 وه توانیوویانه هه‌نگاوی گرنگ بنێن بۆ مافه‌كانیان.
نه‌ورۆزی ئاكرێ به‌هۆی جوگرافیا و شێوازه تایبه‌ته‌كه‌ی ئاگركردنه‌وه، ساڵانه بۆته جێگای بایه‌خی میدیاكان به گشتی و ئه‌و چالاكییه له لایه‌ن رۆژنامه‌نووسانی بیانیشه‌وه بایه‌خێكی زۆری پێده‌درێت.
|
