تاريخ: ۱۳۹۶ جمعه ۱۲ خرداد ساعت ۱۲:۵۷ بازدید: 320      نظرات: 0      کد مطلب: 3918

نیشانی "لاوی کورد" ڕوونوێنی کرا


ڕێوڕەسمی ڕێز گرتن له‌ لاوانی ساڵی کوردستان له‌ شاری سنه‌ و به‌ به‌شداری به‌رپرسانی پارێزگاکه‌ به‌ڕێوه‌ چوو.

به‌ ڕاپۆرتی هاژە بە گێڕانەوە لە مێهر، عه‌بدول محه‌مه‌د زاهدی له‌ ڕێوڕەسمی ڕێزگرتن لە لاوانی سەرکەوتووی کورد لە بوارە جیاوازەکان، وتی: ته‌نیا ڕێز گرتن له‌ لاوان به‌س نییه‌ و ئێمه‌ ده‌بێت له‌ دوای دۆزینه‌وه‌ی لێهاتووی و به‌هره‌ نوێکان بین.

ئه‌و زیادی کرد: گه‌وره‌ترین سه‌رمایه‌ی هه‌ر کۆمه‌ڵگایه‌ک مرۆڤه‌کانی ئه‌و کۆمه‌ڵگایه‌ن و ئه‌گه‌ر به‌هره‌کانی نه‌دۆزرێته‌وه‌ به‌ خه‌سار ده‌چێت.

پارێزگاری کوردستان وتی: گۆڕانکاری له‌ کۆمه‌ڵگا به‌ بێ به‌شداری هێزی لاوه‌کان ئیمکانی نییه‌، بۆیه‌ ده‌بێت ئاوڕی زۆر له‌ داواکارییه‌کانی ئه‌وان بده‌ینه‌وه‌.

ئه‌و جه‌ختی کرد: لاوه‌کان به‌ هۆی ئه‌و سروشته‌ پڕ له‌ وزه‌ی که‌ هه‌یانه‌ به‌رده‌وام له‌ دوای ئه‌وه‌ن که‌ ریسک بکه‌ن و کاری نوێ تاقی بکه‌نه‌وه‌ و ئه‌مه‌ش باشترین ده‌رفه‌ت بۆ پێشکه‌وتنه‌، هه‌ڵبه‌ت ئه‌م ڕیسک کردنه‌ ده‌بێت له‌ ڕێگه‌ی ته‌ندروستدا بێت تاکوو وزه‌ی لاوان به‌ فیڕۆ نه‌چێت و هه‌ست به‌ به‌رپرسیاریه‌تی له‌ پێناو کۆمه‌ڵگاکه‌ی خۆیان بکه‌ن.

شایانی باسه‌ له‌م ڕێوڕەسمەدا له‌ ۱۴ لاوی کوردستان ڕێز گیرا و نیشانی"لاوی کورد"یان پێشکه‌ش کرا. هه‌روه‌ها له‌ کۆتایی ئه‌م فستیڤاڵه‌ په‌رده‌ له‌ سه‌ر نیشانی لاوی کورد لابرا و بڕیار وایه‌ که‌ ئه‌م فستیڤاڵه‌ هه‌موو ساڵێک درێژه‌ی هه‌بێت.




ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد