به ڕاپۆرتی ئاژانسی هاژه، محه‌ممه‌د فه‌لاحی، فه‌رمانداری شاری بانه ڕایگه‌یاند: گه‌لاڵه‌یه‌کمان بۆ ڕێکخستن و به‌ڵگه‌دان به کۆڵبه‌ره‌کانی بانه ئاماده کردووه که جێبه‌جێ کردنه‌که‌ی ده‌ستیپێکردووه.
ئه‌و له‌مباره‌وه وتی: به پێی ئه‌م گه‌ڵاله‌یه بۆ هه‌موو گوندنشینه‌کانی سه‌ر سنوور به‌ڵگه‌ی کۆڵبه‌ری ده‌نووسرێت، ئه‌مه‌ش ته‌نیا ئه‌و که‌سانه ده‌گرێته‌وه که له ۱۵ کیلۆمه‌تری سنووره‌کاندا نیشته‌جێن.
فه‌لاحی وتی: له‌م گه‌ڵاڵه‌یه‌دا ته‌نیا ئه‌و که‌سانه ده‌توانن مۆڵه‌تی کۆڵبه‌ری پێ وه‌ربگرن که خزمه‌تی سه‌ربازیان کردبێت و ژن و منداڵیان بێت.
ئه‌و زیادی کرد: ئه‌م ناونووسییه تاکوو یه‌ک مانگی دیکه‌ش درێژه‌ی ده‌بێت و هه‌وڵ ده‌ده‌ین له‌م ماوه‌دا ئه‌م ئیشه ته‌واو بکه‌ین.
هه‌روه‌ها به پێی ئه‌م گه‌ڵاڵه‌یه کۆڵبه‌ره‌کان بیمه‌ی ژیان و ده‌رمانی ده‌کرێن و ده‌توانن به عاره‌بانه که‌ل و په‌لی فه‌رمی بگۆزنه‌وه و له کۆڵبه‌ری دوور که‌ونه‌وه.
