بە ڕاپۆرتی هاژە بە گێڕانەوە لە مێهر، سێهەمین قۆناغی ئوردووی ئامادەکاری هەڵبژاردەی نەتەوەیی ڕوویینگی تازەلاوانی وڵات لە ڕۆژی دووشەممە ٤ ی گوڵانەوە بۆ ماوەی ٢٢ ڕۆژ لە دەریاچەی ئازادی تاران دەست پێدەکات.
فواد هووشیار و شەهرووز سەفایی دوو بەلەمەوانی تازە لاوی مەریوانی بە داوەتی کادیری تەکنیکی فیدراسیۆن بانگهێشتی ئوردووی ئامادەکاری هەڵبژاردەی ڕوویینگی وڵات کران.
هەروەها دووهەمین قۆناغی ئوردووی ئامادەکاری هەڵبژاردەی نەتەوەیی کایاکی پیاوانی لاوی وڵات لە ڕۆژی پێنجەمی گوڵانەوە لە تاران دەست پێدەکات.
لە بەشی کایاکیشدا کەسرا ئەسرەفی بەلەمەوانی لاوی سنەیی لە لایەن کادیری تەکنیکیەوە بۆ ئەم قۆناغە لە ئوردووی هەڵبژاردەی نەتەوەیی داوەت کراوە و بۆ ماوەی ٢١ ڕۆژ خەریکی ڕاهێنانی تەکنیکی و تاکتیکی دەبن.
هورموز فەتعی نیا سەر ڕاهێنەر، عەلی بەندە نەژاد ڕاهێنەر و موحەمەد سەداقەت کیش وەکوو ڕاهێنەری لەش ئەندامانی کادیری تەکنیکی ئەم قۆناغە لە ئوردووەکەن.
