بەرهەمی نوێی مامۆستا سووتاو بڵاو کرایەوە

ئەمڕۆ شەممە ٨ی بەفرانباری١٤٠٣ کۆڕی پەردەلادان لە کتێبی «ماسی ڕەشی بچکۆلانه» لە نووسینی هەرمان «سەمەد بێهڕەنگی» بە وەرگێڕانی مامۆستا سووتاو «ڕەسول کەریمی» لە هۆڵی کۆبوونەوەی پەروەردەی «مەهاباد» بە بەشداریی بەرپرسانی ئاموزش و پەروەرش و مودیرانی قوتابخانەکانی مەهاباد بەڕێوەچوو.

کتێبی ماسی ڕەشی بچکۆلانە لە قەبارەی خشتی لە ٤٤ لاپەڕە بە شێوەی هەڵبەست لە لایان بڵاوگەی «ئەڕشەدان»ی تاران لە پاییزی ١٤٠٣ چاپ و بڵاوکراوەتەوە.

وەرگێڕانی کتێب گەلی «بابا حەیدەر» بە کوردی و «مەم و زین»ی خانی بە فارسی دوو بەرهەمی چاپ کراوی مامۆستا سووتاوە.