تاريخ: ۱۴۰۳ پنج شنبه ۱۶ فروردين ساعت ۱۸:۲۶ بازدید: 723      نظرات: 0      کد مطلب: 22851

فەرهەنگی حوجره چاپ و بڵاو کرایەوە


به پێی هەواڵی هاژه، کتێبی فەرهەنگی حوجره، بەرهەمی لێکۆڵینەوەی محەممەد ئەحمەدیان، فەرهەنگ‌نووس و مێژوونووسی مەهابادی چاپ و بڵاو کرایەوە.

ئەم کتێبە لە ٣٦١ لاپەڕە و لە کواڵیتەیەکی بەرز‌دا  لە لایەن بڵاوگەی خانی کاری چاپ و بڵاوکردنەوەی بۆ کراوە.

فەرهەنگی حوجرە وەک یەکەمین فەرهەنگی کوردی سەبارەت به زاراوەکانی حوجرە دێتە ئەژمار و ئەم ٣ بەشە لەخۆ دەگرێ:

1)بەشی یەکەم؛ ئەو بەشە لە ڕاستی‌دا تیئۆری و بنەمای شێوازناسانەی 2 بەشەکەی دوایی لە ئەژمار دێ. لەو بەشەدا لایەنی مەعریفی و ئانتڕۆپۆلۆژیکی و ڕووناکبیری و کەلتووریی گوتار و هزری حوجرەیی شی کراوەتەوە.

2)بەشی دووهەم؛ فەرهەنگی زاراوەکانی حوجرە لە کوردستان. لەم بەشە‌دا زاراوەکانی باو لە نێو هەڵس‌وکەوت و ژیان و ژینگەی حوجرە، بەوردی و بەچەشنێکی بەڵگەمەند و شیکارانە لێکدراوەتەوە؛

3)بەشی سێهەم؛ فەرهەنگی کتێبە دەرسییەکانی نێو حوجرە‌کان. لەم بەشەدا بە چەشنێکی چڕوپڕ و شیکارانە و زانستی، تێکڕای کتێبە دەرسییەکانی حوجرە و بابەتەکانیان، زۆر شارەزایانە و وردبینانە ناسێندراوە و ژیاننامەی نووسەرانی کتێبە دەرسییەکانیش، هاوپێچ کراوە.



برچسب ها:

ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد