۱۴۰۳/۲/۸ ۱۵:۱۷
| تاريخ: ۱۴۰۳ شنبه ۴ فروردين ساعت ۱۶:۶ | بازدید: 340 نظرات: 0 کد مطلب: 22821 |
٥ شت پێویستە پێش بڕیاردانی گرنگ و مەترسیدار ئەنجامی بدەیت
وەرگێرانی ئیسماعیل عەزیزی
لە کاتێکدا زۆرێک پێیان وایە بۆ ئەوەی مرۆڤ لە بازرگانیدا سەرکەوتوو بێت و بازدانێکی دارایی و پیشەیی دروست بکات، دەبێت مەترسی بکات، هەندێکیان بە هیچ شێوەیەک توانای مەترسییان نییە و زۆر بە وریاییەوە بەردەوام بن. بەڵام کام شێواز ڕاستترە؟ یەکێک لە مامۆستایانی زانکۆی "باکوری ڕۆژئاوا" ٥ چارەسەری کردەیی خستۆتە ڕوو بۆ ئەوەی بتوانین بڕیاری زیرەک بدەین.
1- وەستان و بیرکردنەوە
پێش ئەوەی هەر کارێک بکەیت، لە خۆت بپرسە: بەڕاستی من چی دەکەم؟ بۆچی ئەم کارە دەکەم؟
بەم پرسیارە سادەیە هۆشیارییەکی بەرزترت دەبێت لەسەر ئەوەی کە دەیکەیت و چانسی سەرکەوتنت زیاتر دەبێت. لەم حاڵەتەدا، تۆش لە مەترسییە ئەگەرییەکان تێدەگەیت و ئەدای باشتر نیشان دەدەیت.
2. یارمەتی لە بۆچوونی کەسانی بێلایەن وەربگرە
بوونی کەسانی بێلایەن بۆ فیدباک زۆر یارمەتیدەرە. لە کۆمێنتەکانیان یارمەتی وەربگرە. ئەم جۆرە کەسانە بە گشتی ڕۆڵێکی ژیانی و گرنگ لە بڕیارەکانتدا ناگێڕن و بۆچوونی لایەنگریت پێنادەن.
3- تەنها بیر لە بردنەوە مەکە، یارییەکە بە دروستی ئەنجام بدە
ئەگەر بتوانی لەو ڕێگایەی کە هەڵتبژاردووە بگەیتە ئامانجی کۆتایی، گەورەیە؛ بەڵام گرنگترین شت ئەوەیە کە یارییەکە بە دروستی ئەنجام بدەیت. لە هەر قۆناغێکدا کە دەڕۆیت، هەوڵبدە بە هەموو هێز و بە تەرکیزێکی پێویستەوە بچیتە ئەو قۆناغە. قۆناغ بە قۆناغ و هەنگاو بە هەنگاو تەرکیز لەسەر سەرکەوتن؛ بە دڵنیاییەوە لە ئامانجی کۆتایی نزیک دەبیتەوە.
4. هەموو شتێک بە وردی بپشکنە
بەگشتی کاتێک بڕیارێک لە بواری بازرگانیدا دەدەیت، ڕەنگە بژاردەی جیاواز لەبەردەمتدا هەبێت، کە هەریەکەیان خاڵی بەهێز و لاوازی خۆیان هەیە. بە وردی مەترسی و دەرئەنجامەکانی هەر بژاردەیەک لەبەرچاو بگرن. هەر بژاردەیەک بە وردی کێش بکە بۆ ئەوەی بزانیت کام بژاردە پراکتیکیتر و باشترە.
5. هەمیشە پێداچوونەوە بە بڕیارەکەتدا بکە
لە هەموو سەرکەوتن و شکستێکدا بڕیارەکانت هەڵسەنگێنەوە. پێویستە بزانیت ئایا مەترسی زۆر گەورە دەکەیت بۆ ئەوەی ئازاتر دەرکەویت یان مەترسی بچووکتر هەڵدەبژێریت؟ هەر ڕێگایەک دەگریتە بەر، دەبێت خۆت هەڵسەنگێنیت.
وەرگیراوە لە ئینترنێت
|
