تاريخ: ۱۳۹۵ چهارشنبه ۱۳ بهمن ساعت ۱۹:۱۲ بازدید: 986      نظرات: 1      کد مطلب: 3032
بۆ ماوەی سێ ڕۆژ؛

ڕێوڕەسمی زەماوەندی پیرشالیار لە هەورامان بەڕێوەدەچێت


له‌ میانه‌ی سێ ڕۆژی داهاتوو له‌ هه‌ورامانی ته‌خت ڕێوڕه‌سمی ناسراو بە زەماوەند بۆ پیر شالیار به‌ڕێوه‌ ده‌چێت.

به‌ ڕاپۆرتی هاژه بە گێڕانەوە لە مێهر، ئه‌م جه‌ژنه‌ له‌مڕۆ چوارشه‌مه‌وه‌ ده‌ست پێ ده‌کات و تاکوو ڕۆژی هه‌ینی درێژه‌ی ده‌بێت. به‌ پێی لێکۆڵینه‌وه‌ کۆنه‌کان پیر شالیار که‌سێکی ئاینی زه‌رده‌شتییه‌کان بووه‌ که‌ به‌ هۆی که‌سایه‌تی و که‌رامه‌تی پیرشالیاره‌وه‌ خێر و به‌ره‌که‌تێکی زۆر له‌ کاتی خۆیدا ڕووی کردووه‌ته‌ ناوچه‌که‌ و هه‌ر به‌م بۆنه‌شه‌وه‌ ڕۆژی زه‌ماوه‌ندی پیر شالیار وه‌ک ڕۆژێکی جه‌ژن هه‌ر له‌ کۆنه‌وه‌ له‌ هه‌ورامان دووباره‌ ده‌کرێته‌وه‌.

هەورامان کە بە ناوچەیەکی شاخاوی و گەشتیاریی دوو بەشی کوردستانی ئێران و بەشێک لە پارێزگای هەڵەبجە دەگوترێت، له‌ شاره‌کانی پاوه‌ و نه‌سو و هه‌ڵه‌بجه‌ و مه‌ریوان هه‌ڵکه‌وتووه‌ و ناوچه‌ شاخاوییه‌کانی نێوان ئه‌م چه‌ند شاره‌ به‌ هه‌وارمان ناسراوه‌.

شارەدێی هەورامان تەختی سەر بە شاری سەوڵاوەیە لە پارێزگای کوردستان له‌ ئێران هەڵکەوتووە و به‌ پێی ڕه‌وایه‌ته‌کان جێگەی لە دایک بوونی پیرشالیاری زردەشت و گڵکۆی ئەو کەسایەتییە مەزنەی کوردی تێدایە.

هەورامییەکان لە نیوەی زستان و نیوەی بەهاردا و سێ رۆژ و شەو ڕێوڕەسمی ئایینی و ئوستوورەیی و مێژوویی زەماوەندی "پیر شالیار" لە هەورامانی تەخت بەڕێوە دەبەن. لە  ڕێوڕسمەکەدا کە بە بۆنەی زەماوەندی "پیر شالیار"ە، هەورامییەکان لە چەندین بۆنە و نەریتی جیاجیادا چێشتی تایبەت لێ دەنێن، گوێز و میوەی تایبەت بە سه‌ر خه‌ڵکی هەورامان دابەش دەکەن، شەو دادەنیشن؛ قوربانی دەکەن، هەڵدەپەڕن، شێعر و گۆرانی دەڵێن و دەف لێ دەدەن.

رێوڕەسمی پیر شالیار هەموو ساڵێک دوو جار بەڕێوە دەچێت كە یەكەمیان لە مانگی رێبەندان (۲۰۱۷ – ۲- ۱  و ۲ و ۳) لەژێر ناوی "زەماوەندی پیر" دایە و دووەمیشیان لەژێر ناوی "كۆمسای" لە مانگی بانەمەڕ و ڕێکەوتی ۵ -۵ی هەموو ساڵێک بەڕێوە دەچێت.

له‌ ئاینی زه‌ردشتییه‌کانیش له‌م دوو کاته‌دا دوو جه‌ژنی تایبه‌ت به‌ ناوی مهرگان و تیرگان به‌ڕێوه‌ ده‌چێت.

لە ماوەی ئەو سێ‌رۆژەدا كە ئەو رێوڕسمە بەڕێوە دەچێت، نەریت و دابە مێژووییه‌کانی وه‌ک "كڵاو رۆچنە، قوربانی كردنی مەڕ و بزن، لێنانی چێشتی تشین، دەف ژەنی و سەمای عیرفانی و دیداری كەوشی چەرمیی پیر شالیار" لەناو بەشداربوواندا بەڕێوە دەچێت.

بەپێی سەرچاوە مێژووییەكان پیرشالیار، پیرێكی رۆحانی و خواناس و یەكێک لە موغانی سەردەمی زەردەشت بووە و لە لای خەڵكی هەورامان ڕێزێكی زۆری هەیە. به‌ پێی لێدوانی خودی هه‌ورامییه‌کان پیرشالیار کتێبێکی به‌ ناوی (ماریفەتوو پیری) هه‌یه‌ که‌ به‌ که‌سی بێگانه‌ی نیشان ناده‌ن و گوتەكانی له‌جێگه‌ی مەتەڵ بەكار دەهێنن ‌و خاوەنی كەراماتی زۆر بووه‌، وه‌ک شەفا بەخشینی نەخۆشان.

ئەمە لە حاڵێکدایە کە هەندێ لایەن پێیان وایە کە پیرشالیار یەکێکە لە ۹۹ پیری هورامان و لە پەیڕەوانی حەزرەتی عەبدولقادر گەیلانیە و ڕەتی دەکەنەوە کە زەرتەشتی بووبێت و دەڵێن موسڵمان بووە و عارفێکی خەڵوەکێشی موسڵمانە.

جه‌ژنی پیر شالیار له‌ ئێستادا خوازیاری یه‌کجاری زۆری به‌ ده‌ست هێناوه‌ و هه‌ر ساڵ گه‌شتیارێکی زۆر له‌ هه‌موو شاره‌کانی ئێران و ناوچه‌ کوردنشینه‌کان به‌شداری ئه‌م ڕێوڕه‌سمه‌ ده‌که‌ن.






ارسال به دوستان
ارسال به دوستان
چاپ
نسخه چاپی


نظر کاربران

1
0
پاسخ به این اظهارنظر

قاسم ۱۳۹۵/۱۱/۱۳
خیلی جالب است

نظر خود را براي ما ارسال كنيد