| تاريخ: ۱۳۹۵ چهارشنبه ۲۹ دي ساعت ۱۰:۳۸ | بازدید: 1616 نظرات: 0 کد مطلب: 2862 |
ئۆتۆمۆبیلی باڵنده تا کۆتایی ٢٠١٧ تاقی دەبێتەوە
کارگێڕی باڵای ئەیرباس لە پلانی ئەو کۆمپانیا بۆ تاقی کردنەوەی ئۆتۆمۆبیلی باڵنده لە ئەمساڵی زایینی هەواڵی دا.
بە ڕاپۆرتی هاژە بە گێڕانەوە لە مێهر، تام ئەندرۆس کارگێڕی باڵای ئەیرباس لە کۆنفرانسی DLD لە موونیخ، هیوای خواست کە ئۆتۆمۆبیلی پەلەوەری یەک کەسی تا کۆتایی ساڵ تاقی ببێتەوە. گەڵاڵەی سەرەتایی ئۆتۆمۆبیلی باڵنده Vahana ناویەتی و یەک کەسی و ئۆتۆماتە. ئەو کەرەسە بە بڕوای ئەیرباس رێگە چارەیەک بۆ دەرباز بوون لە ترافیکی شاری دێتە ئەژمار.
ئەوە لە حاڵێکدایە کە شارەکان لە سەرتانسەری جیهاندا خەریکی گەشەیە و ئەو کۆمپانیایە پێش بینی دەکات تا ٢٠٣٠ ی زاینی لەسەدا ٦٠ ی حەشیمەتی جیهان ببێتە شارنشین.
هەر لەم پێناوەدا ئەو زلهێزە لە بواری چێ کردنی فڕۆکەوە خەریکی دروست کردنی سێ ڕێگەچارەی جیاوازە بۆ ترافیکی شاری کە هەر هەموویان پێوەندی بە گواستنەوە و هاتوچۆی ئاسمانەوە هەیە. ئۆتۆمۆبیلی باڵنده‌ی یەک کەسی، کەڵک وەرگرتن لە فڕۆکەی بێ فڕۆکەوان بۆ گواستنەوەی شتی جیاواز و پاسە ئۆتۆماتەکان ڕێگەچارەکانی ئەیرباسن لەم بوارەدا.
|
