۱۴۰۳/۹/۳ ۶:۵۰
| تاريخ: ۱۴۰۰ چهارشنبه ۲۴ آذر ساعت ۱۸:۳۶ | بازدید: 1142 نظرات: 0 کد مطلب: 17167 |
كوردێك له چین خه‌ڵاتی فێستیڤاڵێكی نێوده‌وڵه‌تیی فیلمی برده‌وه
تووره‌ج ئه‌سڵانی سینه‌ماكاری ناسراوی كورد، به فیلمی سینه‌مایی "بێ نیشتمان" كه سێیه‌م به‌رهه‌می درێژی سینه‌مایی خۆیه‌تی، خه‌ڵاتی ده‌رهێنه‌ری نوێخواز و ته‌ندیسی ڕێی هاوریشمی زێڕینی له هه‌شته‌مین خولی فێستیڤاڵی نێوده‌وڵه‌تی فیلمی ڕێی هاوریشم له وڵاتی چین به‌ده‌ست هێنا.
فیلمه‌كه به‌رهه‌می هاوبه‌شی كۆمپانیای سینه‌مایی ماد مووڤی و ڕه‌ز هه‌ڵكه‌وت ڕه‌شیده له هه‌رێمی كوردستان. فیلمه‌كه له‌لایه‌ن كۆمپانیای ئێلی ئیمه‌یج،Eli Image له ئاستی وڵاتانی دنیادا بڵاو ده‌كرێته‌وه.
هه‌شته‌مین خولی فێستیڤاڵی نێوده‌وڵه‌تی فیلمی ڕێی هاوریشم، به سه‌رۆكایه‌تی لیژنه‌ی دادوه‌رانی "هوانگ جیانشین" Huang Jianxin ده‌رهێنه‌ری ناوداری چینی و به نمایشی زیاتر له 100 به‌رهه‌م له سینه‌ماكارانی وڵاتانی دنیا، له چه‌ندان به‌شی جۆراوجۆر له چین به‌ڕێوه چوو.
به‌گوته‌ی مه‌نسوور جیهانی به‌ڕێوه‌به‌ری ڕاگه‌یاندنی گشتیی فیلمی سینه‌مایی "بێ نیشتمان" ، له فیلمه‌كه‌دا كۆمه‌ڵێك له ئه‌كته‌ره ناوداره‌كانی وڵاتانی توركیا، سووریا، عێراق و هه‌رێمی كوردستان، به چوار زمانی كوردی، توركی، عه‌ره‌بی و فارسی، له‌گه‌ڵ هانی موجته‌هیدی گۆرانیبێژی ناسراوی كورد، ڕۆڵیان بینیوه.
|
