| تاريخ: ۱۳۹۹ سه شنبه ۲۸ بهمن ساعت ۱۸:۴۸ | بازدید: 1114 نظرات: 0 کد مطلب: 15828 |
مانگه ده‌ستكرده‌كه‌ی ئیمارات یه‌كه‌م وێنه‌ی له مه‌ریخه‌وه ڕه‌وانه كرد
بە پێی هەواڵی هاژە، مانگی ده‌ستكردی ئه‌مه‌ل كه له لایه‌ن ئیماراته‌وه گه‌یشتوه‌ته خولگه‌ی مه‌ریخ یه‌كه‌م وێنه‌ی خۆی له‌و هه‌ساره‌یه‌وه ره‌وانه‌ی زه‌وی كرد.
جه‌مسه‌ری باكوری مه‌ریخ له لای چه‌پی وێنه‌كه‌دا ده‌بینرێت و چیای ئۆلیمپوس گه‌وره‌ترین گڕكانی كۆمه‌ڵه‌ی خۆر كه‌وتوه‌ته شوێنی به یه‌ك گه‌یشتنی شه‌و و رۆژ و له ناوه‌ڕاستی وێنه‌كه‌دا ده‌بینرێت و له‌لای راستیشه‌وه سێ گڕكانی تر به ناوه‌كانی ئاسكریوس، پاڤونیس و ئاریسیا به‌دی ده‌كرێن له لای راستی وێنه‌كه‌دا دۆڵی قوڵ و به‌ربڵاوی مارینه‌ر ده‌بینرێت.
مانگی ده‌ستكردنی ئه‌مه‌ل كه حه‌وت مانگ به‌ر له ئێستا و له ژاپۆنه‌وه هه‌ڵدرابوو، ڕۆژی سێ شه‌ممه‌ی رابردوو پاش بڕینی مه‌ودای 500 میلیۆن كیلۆمیتر گه‌یشته خولگه‌ی مه‌ریخ و له به‌رزایی 24 هه‌زار و 700 كیلۆمیتری ئه‌و هه‌ساره‌یه جێگیر كرا.
ئه‌ركی مانگه ده‌ستكرده‌كه‌ی ئیمارات توێژینه‌وه‌یه له‌سه‌ر كه‌شوهه‌وای مه‌ریخ و بڕیاره وێنه‌ی زیاتر ڕه‌وانه‌ی زه‌وی بكات.
پێشتر ته‌نیا ئه‌مریكا، هێندستان، ئه‌وروپا و ڕووسیا پڕۆژه‌ی هاوشێوه‌یان به سه‌ركه‌وتوویی ئه‌نجام دابوو.
|
