تاريخ: ۱۳۹۹ جمعه ۲۵ مهر ساعت ۱۷:۵۲ بازدید: 178      نظرات: 0      کد مطلب: 15328

نوێترین ڕۆمانی بەختیار عەلی تیشک داوێته سەر ڕووداوەکانی تورکیا


نوێترین ڕۆمانی نوسەر بەختیار عەلی بە نێونیشانی (داگیرکردنی تاریکی) لە ماوەیەکی نزیکی داهاتوودا دەکەوێتە بەردەستی خوێنەران.

 

ڕۆماننوس و نوسه‌رى كورد به‌ختیار عه‌لى له‌ واڵى تایبه‌تى له‌ تۆڕى كۆمه‌ڵایه‌تى فه‌یسبوك هه‌واڵى بڵاوكردنه‌وه‌ى نوێترین ڕۆمانى خۆى بڵاوكرده‌وه‌، ڕووداوه‌كانى ناو ڕۆمانه‌كه‌ شانۆی ڕووداوەکان تورکیایە و کاتی ڕوودانی بەشی هەرە زۆری پێشهاتەکانیش، ساڵانی 1945 بۆ 1979 یە، واتە سەردەمی دوای جەنگی جیهانی دووەم  تا دەگەینە سەر کۆدێتا سەربازیی و فاشیستیەکەی کەنعان ئیفرین.

ڕۆمانەکە نزیکه‌ی  (72) لاپەڕەی قەبارە گەورەیە و لەلایەن ناوەندی ڕۆشنبیریی ڕەهەندەوە چاپ و بڵاودەکرێتەوە.

ڕۆمانەکە گێڕانەوەی ژیانی بنەماڵەی تاریق ئاکانسویە کە پرۆفیسۆرێکی زانکۆی ئەنکەرەیە و شەیدایەکی فەلسەفەی هێربەرت سبنسەر و داروینییە کۆمەڵایەتییەکانە. ئاکانسو کەمالیستێکی توندڕەوە و دەیەوێت تورکیا بۆ قۆناغی دوای جەنگی جیهانی ئامادەبکات. بە فەرمانی سەرۆک وەزیران «عیسمەت ئینونو»، ئەرکێکی گەورەی پێسپێردراوە تا جێبەجێی بکات. کاتێک ساڵی 1945تاریق ئاکانسو دەگاتە شاری ئامەد، هاوشان بە دوو کوڕەکەی لە ماڵێکی تایبەتیدا نیشتەجێدەبن، کە دواتر دەبێت بە شانۆی زۆر ڕوداوی مێژوویی. عەلی ئیحسان ئاکانسوی کوڕە بچوکی تەمەنی سیازدە ساڵانە و ئارسین ئاکانسوی کوڕە گەورەی تەمەنی شازدە ساڵانە.

ڕۆمانەکە لەگەڵ گۆڕان و گەشە و ناکۆکییە قووڵەکانی ناخی هەر دوو ئەم کاراکتەرە سەرەکییەدا گەشەدەکات و تا کۆتایی دەڕوات. جگە لە تاریق ئاکانسو و کوڕەکانی، ڕۆمانەکە ژمارەیەک پاڵەوانی سەرەکی دیکەشی تێدایە کار لە ڕەوت و شێوەی ڕوداوەکان دەکەن. وەک عیسمەت ئۆکتای، ئیمران کارتاڵ، جەوهەر سیزار و...

لە ناو ڕۆمانەکەدا هەندێک کاراکتەری مێژوویی ڕاستەقینە تێکەڵ بە هەندێک کاراکتەری خەیاڵکرد دەبن و پێکڕا باس لەو دونیا ترسناکە دەکەن کە نەتەوەپەرستەکان لەسەدەی بیستدا دایانمەزراندوە.

کۆی ئەم تێکستە گەشتێکی درێژە بە مێژووی نوێی تورکیادا و ڕاوەستانە لەسەر ڕووی تاریک و خوێناوی ئەو مێژووە.

 



برچسب ها:

ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد