تاريخ: ۱۳۹۸ شنبه ۵ بهمن ساعت ۸:۵۷ بازدید: 530      نظرات: 0      کد مطلب: 14157

ژمارەی 210ی گۆڤاری مەهاباد، چاپ و بڵاوکرایەوە


بە پێی هەواڵیی هاژە، ژمارەی 210ی گۆڤاری مەهاباد، چاپ و بڵاو کرایەوە.
مودیرمەسئوول سەدێڕی سەروتاری ئەم ژمارە بە "جەهەننەم یا ڕۆژهەڵاتی ناوین؟!" ناوزەد دەکات و ئەم وتەیەی چیڕچیل سیاستەمەداری ناوداری بریتانیایی کە دەڵێ: "ڕۆژهەڵاتیان بەر لە وەی بۆ ڕزگاریی وڵاتیان تێبکۆشن، باشتر وایە تاکی ڕۆژهەڵاتی، خۆی لە بیر و باوەڕی چەق‌بەستووانە خۆی دەرباز بکا"، وەک هەوێنی نووسراوەی خۆی دەیهێنێتە ئاراوە.
ئەحمەد بەحری لەسەر ئەو باوەڕەیە کە چیڕچیل بەم تەشەرە، پەردە لەسەر زۆر ڕاستی تاڵ هەڵدەداتەوە "ئەویش تەعەسوب و دەمارگرژییەکی مێژوویی‌یە کە لە مێشکی تاکی ڕۆژهەڵاتی‌دا چەکەرەیەکی قووڵی داکوتاوە و بەم زووانەش ڕیشەکێش نابێ".
بەحری بە وەبیرهێنانەوەی ئەم وتەیەی چیڕچیل کە سەرکۆنەی گەلانی ڕۆژهەڵاتی ناوڕاست دەکات و دەڵێ: "ئەوە هێز و توانایی لەشکریی بریتانیا نییە کە وڵاتانی پێ خستووەتەوە ژێر باڵی ئیستعماریی خۆیەوە، بەڵکوو نەفامی و کاڵ‌فامی و پێکەوە نەحاوانەوەی ڕۆژهەڵاتییەکانە بەستێنی چەوسانەوەی بۆ ئیستعمارگەری ڕەخساندووە" و هەر بۆیه بە وەسەر جەهەننەم گەڕانی ژیان لەم سنوورە جۆغڕافیایەدا ناو دەبات.
مودیرمەسئوول لە درێژەدا پێ لەم ڕاستییە دەنێ کە لە ڕۆژهەڵاتی ناوین‌دا "بەشی هەرە زۆری سیاسەتمەداران و دەسەڵاتداران تۆوی دووبەرەکی و پێکەوە نەحاوانەوە دەچێنن و لەو ڕێیەوە دەژین" هەر بۆیە پاساو بۆ هەموو سەرکوت و داپڵۆسینێکی ڕەوا کراوە، بە جۆرێک کە "بێ‌باوەڕی بە یەک" هەموو ئاکارە مرۆڤایەتییەکانی لایەنی بەرانبەری لە بەر چاوان خستووە و بۆ یەکتر وەک دێوەزمەیەکی ڕووخێنەریان لێ هاتووە.
ئەحمەد بەحری لەسه‌ر ئەم باوەڕەیە کە لە سنووری جۆغڕافیای ڕۆژهەڵاتی ناوڕاست "ئەو دەمەی مانەوەی لایەنێک لە گرۆی نابوودی و نەمانی لایەنی بەرانبەردا چاو لێدەکرێ، کوشتار و تەنانەت نەسل‌کوژیی دراوسێش قارەمانەتییە، شەڕافەتە، خاڵێکی پڕشەنگدار لە مێژووی سەرکەوتن‌دا" سەیر دەکرێت، هەر بۆیە "شۆڕشگێڕترین و خەباتکارترین هەڵسووڕاوانی ئەم ناوچەیە، درۆزن‌ترینی درۆزن‌ترینەکانن".
بەحری لە کۆتایی وتارەکەیدا بە کۆمەڵێک پرسیار لەسەر ئەوەی کە لەو ناوچەیە بۆ ئەوەندە بۆ "یەک‌ڕەنگ کردن" خوێن دەڕژێت، لەسەر ئەو باوەڕەیە ئەگەر ئەو دۆخە هەر ئاوا بڕواتە پێش، ناتەبایی گەلان پتر دەتەنێتەوە و تەمەنی ئەو ژیانە نەگبەتییە بۆ نەوە و نەتیجەکانیش هەروا درێژ دەبێتەوە. 
وتارەکانی ئەم ژمارەیە لە 18 وتاری کوردی و 11 وتاری فارسی له به‌شەکانی کۆمەڵایەتی، فەرهەنگی، ئەدەبی و مێژوویی پێک هاتوون.
وتارە کوردییەکان بریتین لە:
جەهەننەم یا ڕۆژهەڵاتی ناوین / مودیرمەسئوول
... / سەلاحە‌ددین ئاشتی
سروودی ژیان / عەزیز وەلیانی
کۆڵبەران بۆ لە مردن کۆڵ نادەن؟! / سەعدوون مازووجی
زەمزەمەی ئاهەنگی مەستی / عەبدوڵڵا سەمەدی
کورتەمێژووی هەڵبژاردن / عومەر ئیمام
یۆسف قازی، پیاوە خێرخوازەکە / نەسرین جەعفەری
گوتەکانی دایکانی کۆبانێ / کاڕووش عوسمانیان
تاجەگوڵینەی "پشکۆ" / لەتیف عەلەوی
کوردگاڵ نامەک / حەبیبوڵڵا سەلیمیان
جێژنی خاوەنکار / نێعمەت زەحمەتکێش
پیرەمێرد و نەورۆز و ڕستە مروارییەکان / بەختیار مەلا عیزەت
ئەو قەلەڕەشەی مێشکی بووردومان کردم / مەنسوور مێهرجوویان
سوارۆ بە هەوای ڕۆژاوا / ڕێبوار حاجی‌خەلانی
لە پێناو زمانی کوردی‌دا / ئەحمەد بەحری
وەرن با چاوەدێر و پارێزەری زمانی خۆمان بین! / عەبدوڵڵا عەبدوڵڵازادە
حەسەن ماملێ / یەحیا میرزایی تیکاب
ژوولی ژوولی / هاشم سەلیمی
وتارە فارسییەکان بریتین لە:
کرد و کرمانج / و: رضا شجیعی
گذری از کوی خاطره‌ها / مەهاباد
صدایی کە باید شنید / جمال دانشمند
جنگ "هەورازو" و تبعید کوردان گلواخی / کەرەمی هەڤال
کوردهای افغانستان / حسین احسانی
گذری کوتاە بر حوزە نمادپردازی در ادبیات فولکلور کردی / عزیز ولیانی
گفتگو با هنرمند عکاس اوین عباسی / قاسم تاباک
پراکندگی کردها بیرون از جغرافیای کردستان / مەهاباد
در کاروانسرای سیمون مهاباد چە می‌گذرد؟ / کمال رشیدپوری
تاریخچە طایفه علی‌مردان‌بیگی / امید آریامنش
آن سوی خاکستر و مە / وهاب فهمی
بێجگە لە وتارەکان، بەشێک بەنێوی "شێعر" و "دەنگە ون‌بووەکانی شێعری موکریان / سەید نووح عینایەتی"  "کەونەنیشتمان / مەهاباد" و "وەرزشوانانی سەرکەوتوو / سەید محەممەدئەمین شێخ‌مەندی" لەم ژمارەیەدا به‌رچاو دەکه‌ون.
وێنەی ڕووبه‌رگی ئەم ژمارەیە، لە یەکێک لە وێنەکانی هونەرمەند "ئەوین عەبباسی" پێک هاتووە.



ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد