تاريخ: ۱۳۹۸ يکشنبه ۱۰ آذر ساعت ۹:۲۸ بازدید: 305      نظرات: 0      کد مطلب: 12969

نوێترین ژمارە له گۆڤاری مەهاباد چاپ و بڵاو کرایەوە


بە پێی هەواڵی هاژە، ژمارەی 209ی گۆڤاری مەهاباد چاپ و بڵاو کرایەوە.

 

مودیرمەسئوول له سەروتاری ئەم ژمارەیە‌دا له ژێر ناوی "تورکییە وەدوای کڵاوی خوار کەوتووە"، بە چاوخشاندنێک بە سە‌ر مێژووی ئیمپڕاتۆرییەتی عوسمانی، هێرشی ئەم دوایانەی تورکیا بۆ سەر ڕۆژئاوای کوردستان دێنێتە بەر باس و لێکدانەوە.

ئەحمەد بەحری پێی وایه ڕۆژهەڵاتی ناوڕاست هەمیشە شوێنی شەڕ و کێشە و ململانەکان بووە، هەر بۆیە بە گومانەوە دەڕوانێتە ئەم خاکەی بە سێڵاوی خوێنی دانیشتوانی سوور بووە و دەڵێ: "بڵێی ئەو هەمووە چاوی تەماع تێبڕینە هەر سەبارەت بە کانگا نەوتییەکان بێ...".

مودیرمەسئوول وێڕای تیشک خستنە سەر مێژووی دامەزرانی ئێمپڕاتۆری عوسمانی بەدەست کۆچەرانی غەوارەوە، لەسەر ئەم باوەڕەیە کە بە بیانووی پەرەپێدانی دینەوە باڵی بەسەر بەشێکی زۆر لەم ناوچەیەدا گرت و "هەرچی جینایەت بوو بە سەر فارس و عەڕەب و کورد و ئەرمەن و نەتەوەکانی‌ تری‌دا هێنا".

ئەحمەد بەحری وێڕای وەبیرهێنانەوەی قەڵاچۆ کردنی ئەرمەنییەکان بەدەستی ئیمپڕاتۆری عوسمانی و هێرشەکانی ئەم دوایانەی تورکیا لەسەر ئەو بڕوایەیە کە "تاوانبار کردنی تورکییە بە تاوانی کۆمەڵ‌کوژی و جینایەتی دژە بەشەریی ئیمپڕاتۆرییەتی عوسمانی لە سەدەکانی ڕابردوودا پڕ بە پێستی خۆیە‌تی. ڕێبەرانی تورکییەی ئەمڕۆ تەنیا جلەکانیان گۆڕاوە، دەنا هەر هەمان سوڵتانی سەدەکانی پێشووی عوسمانین".

نووسەر لەسەر ئەم باوەڕەیە کە بیری چەوتی "یەک نەتەوە و یەک زمان" کە تورکیا لەسەردەمی ئیمپڕاتۆری عوسمانی بە میراتی وەرگرتووە بوو بە هۆی ئەوەی‌ کە نزیکەی سەدەیەک زمانی کوردی لە سنووری ئه‌م وڵاته‌دا لە میللەتی کورد قەدەغە بکرێ کە ئاکامەکەی شەڕێکی خوێناوی بووە کە هێشتا نەبڕاوەتەوە.

مودیرمەسئوول وێڕای ڕەخنەگرتن لە ڕژێمی تورکیا وەک چوارەمین ئەڕتەشی پڕ چەکی ناتۆ کە ئەو دۆخەی لە ناوچەکەدا هێناوەتە ئاراوە و وەک فیلی مەست ڕۆژئاوای کوردستان دەشێلێ و دەڵێ "هەتا دۆینێ داعشی دە گیانی کوردان بەردابوو و ئەمڕۆش خۆی لە داعش خراپ‌تر دەست لە هیچ جینایەتێک ناگێڕێتەوە".

ئەحمەد بەحری وێڕای ئاماژە بە مێژووی کورد و چەرمەسەری و دەرد و ئازارەکانی دەڵێ: بەڵام "یەک‌گرتووتر و شێلگیرتر لە جاران سەر لە پێناوی ئازادی لە مەیدانی دژەمرۆڤان‌دا سەنگەری خەبات چۆل ناکا".

وتارەکانی ئەم ژمارەیە لە 21 وتاری کوردی و 7 وتاری فارسی له به‌شەکانی کۆمەڵایەتی، فەرهەنگی، ئەدەبی و مێژوویی پێک هاتوون.

وتارە کوردییەکان بریتین لە:

تورکییە وە دوای کڵاوی خوار کەوتووە / مودیرمەسئوول

بە جێم مەهێڵن / هەڤاڵ کوێستانی

هەوڵەکانی عێزەددین مستەفا ڕەسووڵ / سوارە فتووحی

هونەرمەندێکی دەرەوەست / سوارە فتووحی

گیل‌گەمێش / سەید قادر هیدایەتی

ماڵی تاپۆکان / و: نەسرین جەعفەری

دەنگە ون‌بووەکانی شێعری موکریان / سەید نووح عینایەتی

لەگەڵ عەزیز مەحموودپوور / قاسم تاباک

سێحری خودکار / سەید مەسعوود سەعیدی

گۆرانی‌بێژانمان گرینگی بە شێعری گۆرانییەکانیان نادەن! / عەبدوڵڵا سە‌مەدی

لە پێناو زمانی کوردی‌دا / ئەحمەد بەحری

بڵێی منداڵ شاعیر نەبن؟ / ئەحمەد بەحری

مەیدان‌چۆغە / ڕێبوار حاجی‌خەلانی

پیاسەیەک بە تان‌وپۆی "شەقامەکە"ی ئۆکتاڤیۆ پازدا / سۆران محەممەد

چرای ماڵ شەوقی خانم / فەرەیدون حسێن‌پەناهی

یادی مامۆستا مەلا محەممەد ئیمامی / پشکۆ یاسینی

باغی ئاڵەشینی سەهۆڵان، پانۆرامای فەرهەنگی / سەعدوون مازووجی

پێوەندیی کورد بە ئیسلامه‌وە / مەلا محەممەدڕەسووڵ چراغی

شاعیر و وەستایەکی لێزان / سەلام ئیسماعیل‌سورخ

تورجان / شێرکۆ تورجانی

زەرەنگەری چیا بۆ فرۆشتنی زێڕ و ئاڵتوون!!! / فایەق دارتاش

 

وتارە فارسییەکان بریتین لە:

بهروز بوچانی، نسل فردا / مەهاباد

کورد و تورک یا کرد و ترک / صلاح‌الدین خدیو

چرا مشارکت و سرمایه‌ی اجتماعی در حال فرسایش است / فلوریا محمدپور

کتب بیات / رضا باباخانی

آن سوی خاکستر و مه / وهاب فهمی

تاثیر نظام سیاسی بر نظام آموزشی و برنامه‌ریزی درسی / کیوان جمشیدی

لزوم تدوین سند راهبردی توسعه شهرستان مهاباد / سعید مامندی

بێجگە لە وتارەکان، بەشێک بەنێوی "ئەلفاتیحا بۆ عەداڵەت / مەهاباد" کە لە چەند وێنەی منداڵانی ڕۆژئاوای کوردستان بەهۆی هێرشی تورکیا تووشی کارەسات ببوون، پێک‌هاتووە. هەر وەها فایلی "کورتەشێعرەکانی شاعیر / قاسم تاباک"، "کەونەنیشتمان / مەهاباد" و "وەرزشوانانی سەرکەوتوو / سەید محەممەدئەمین شێخ‌مەندی" لەم ژمارەیەدا به‌رچاو دەکه‌ون.

وێنەی ڕووبه‌رگی ئەم ژمارەیە، هونەرمەندی کورد "کەیهان کەڵهوڕ"ە کە به‌رهه‌مێکی هونه‌رییه له "موحسین ئەحمەدزادە".




ارسال به دوستان
ارسال به دوستان
چاپ
نسخه چاپی


نظر کاربران


نظر خود را براي ما ارسال كنيد