۱۴۰۳/۹/۲ ۲۳:۹
| تاريخ: ۱۳۹۸ سه شنبه ۳۰ مهر ساعت ۱۰:۱۶ | بازدید: 2858 نظرات: 0 کد مطلب: 12824 |
له مەهاباد پەرده لەسەر "هەڵه‌یه‌کی مێژوویی" هەڵدرایه‌وە
به پێی هەواڵی هاژه، ڕۆژی دووشەممه 29ی ڕەزبه‌ری 98ی هەتاوی ڕێ‌وڕەسمی پەردەلادان له‌سەر کۆمه‌ڵه چیرۆکی "هەڵه‌یه‌کی مێژوویی" له نووسینی مه‌نسوور مێهرجوویان به هیممه‌تی بنکه‌ی فەرهه‌نگی هونه‌ری ئه‌دەبی موکریانی مەهاباد (ئه‌نجومه‌نی ئه‌دەبی) و به بەشداری کۆمه‌ڵێک له نووسەران و ئه‌دیبان له ساڵۆنی ئیدارەی فەرهه‌نگ و ئیڕشادی ئیسلامی مەهاباد بەڕێوە چوو.
لە سەرەتای کۆڕەکەدا سیامه‌ند جەوانبەخت وەک بەرپرسی ئیدارەی فه‌رهه‌نگ و ئیڕشادی مەهاباد وێڕای بەخێرهێنانی میوانان، جەختی لەسەر ئه‌وە کردەوە که بۆ دابین کردنی ویست و خواستی هونه‌رمه‌ندان و ئه‌دیبان به پێی توانا و ئه‌رک له هیچ خزمه‌تگوزارییه‌ک چاوپۆشی ناکەن.
له درێژه‌دا جەلال پوورحه‌سه‌ن و شەویار گولابی‌ئازەر وەک گوتاربێژانی کوڕەکه به گشتی له‌سەر چیرۆک و به تایبه‌تیش لەسەر کتێبی "هەڵه‌یه‌کی مێژوویی" وته‌کانی خۆیان ئاراسته‌ی بەشداربووانی کۆڕەکه کرد.
هەروەها مەنسوور مێهرجوویان نووسەری کتێب وتەکانی خۆی لە چەند خولەکێک‌دا ئاراسته کرد و وەک دوا بەش پەردە لەسەر کتێبه‌که هه‌ڵدرایه‌وە.
کۆمه‌ڵه چیرۆکی هەڵه‌یه‌کی مێژوویی وەک یه‌که‌م کتێبی چاپکراوی مه‌نسوور مێهرجوویان له تیراژی هەراز بەرگ له لایه‌ن نه‌شری گوتار چاپ و بڵاو کراوەته‌وە. ئه‌م کۆمه‌ڵه چیرۆکه له 91 لاپەڕەدا له‌خۆگری 13 چیرۆکی کورتی کوردییه.
|
