تاريخ: ۱۳۹۵ پنج شنبه ۶ آبان ساعت ۱۶:۱۳ بازدید: 1289      نظرات: 4      کد مطلب: 2136

شاعیرێکی گه‌ورەی کورد کۆچی دوایی کرد


به پێی هه‌واڵی هاژه، ڕۆژی پێنج شەممه 6ی خەزەڵوەر شاعیری گه‌ورە و نه‌ته‌وەیی کورد خالید ئاغا حیسامی ناسراو به مامۆستا هێدی له شاری هه‌ولێری پایته‌ختی حکومه‌تی هه‌رێمی کوردستان کۆچی دوایی کرد.


خالید ئاغا حیسامی "هێدی" کوڕی حاجی محه‌ممه‌د ئاغا له ئێلی دێبۆکری ساڵی 1306ی هەتاوی له ئاوایی شێخاڵیی ناوچه‌ی موکریان و له نێوان مەهاباد و بۆکان، له دایک بووه و خوێندنی سەرەتایی هه‌ر له‌و ئاواییه ته‌واو کردووە. پاشان دوای هەڵگیرسانی شۆرشی ئەیلوول ڕوو له باشووری کوردستان دەکات و دەبێته پیشمەرگەی ئه‌م شۆرشه، له سەر شێوازی کلاسیک شێعری هۆنیوەته‌وە و زۆربه‌ی شێعرەکانی له قالبی دیوانێکدا به ناوی کاروانی خەیاڵ له چاپ داوە.
ساڵی 1387ی هەتاوی حکومه‌تی هه‌رێمی کوردستان کۆنگرەیه‌کی گه‌ورەی به ناوی ئه‌م کەسایه‌تییه مه‌زنه به‌ڕێوە برد. به‌شێک له بیرەوەرییه‌کانی مامۆستا هێدی له توێی کتێبێکدا به ناوی "ئاوێنه شکاو" بڵاو بۆته‌وە.
مامۆستا هێدی وەک دوایین شاعیری سە‌ردەمی کۆمار پێناسە دەکرێ و گه‌ڕانه‌وەی ته‌رمی پیرۆزی بۆ شاری مەهاباد و ناشتنی له ته‌نیشت دوو یاری باوەفا و خۆشەویستی مامۆستایان هێمن و هەژار دەتوانێ سوکنایی دڵ و هێورکەرەوەی خەم و پەژارەی هۆگران و شەیدایانی ڕێگه‌ی ئه‌م مەزنه پیاوانه‌ بێت.



ارسال به دوستان
ارسال به دوستان
چاپ
نسخه چاپی


نظر کاربران

1
0
پاسخ به این اظهارنظر

هێدی ۱۳۹۵/۸/۷
سەرخۆشی خۆم ئاڕاستەی بنەمالەی مامۆستا هێدی و تەواوی خەلکی کوردستان دەکەم بەراست کۆچی دوای مامۆستا هێدی خەمێکی گەورەی خستە ناو دلی میلەتی کورد . بەراست هێنانەوی بۆ مەهاباد خۆی دەتوانێ سوکنایی دەری خەلکی کوردستان بێت چاوروانی هێنانەوی تەرمی پڕ شکۆی مامۆستا دەکەین
0
1
پاسخ به این اظهارنظر

۱۳۹۵/۸/۶
شبکه روداو اعلام کرد در روستای شیخالی از توابع شهرستان بوکان دیده به جهان گشود
0
2
پاسخ به این اظهارنظر

۱۳۹۵/۸/۶
خوا لی خوش بیت
0
0
پاسخ به این اظهارنظر

ع س ۱۳۹۵/۸/۶
سلاو لەوروحە مەزنە، رێگای پڕڕێبواربێ

نظر خود را براي ما ارسال كنيد