| تاريخ: ۱۳۹۸ سه شنبه ۲۵ تير ساعت ۱۱:۰ | بازدید: 1875 نظرات: 0 کد مطلب: 11396 |
یەک کاتژمێر وەرزش‌کردن لە چەند نەخۆشییەک دەتپارێزێت
هاژه ـ لە توێژینەوەیەکی نوێدا ئاشکرا کراوە، تەنها یەک کاتژمێر لە وەرزش‌کردن دەتوانێت مرۆڤ لە چەندین نەخۆشی مەترسیدار بپارێزێت.
لە بابەتێکی ماڵپەڕی سی ئێن ئێندا ئاماژە بە توێژینەوەیەک کراوە، کە تێیدا توێژەران دەریانخستووە ڕۆژانە بە تەنها یەک کاتژمێر لە وەرزش‌کردن، مرۆڤ لە نەخۆشییەکانی ئێسک و نەخۆشی ڕۆماتیزم دەپارێزێت.
توێژینەوەکە لە ڕۆژنامەی “American Journal of Preventive Medicine”ی ئەمریکا بڵاو کراوەتەوە و تێیدا توێژەران لێکۆڵینەوەیان لەسەر ژمارەیەکی زۆر لە بەشداربووانی تەمەن ٤٩ بۆ ٨٣ ساڵ کردبوو.
ئاماژە بەوەش کراوە، توێژەران هانی بەشداربووانیان دابوو کە هەوڵ بدەن لە هەفتەیەکدا بە لانی کەمەوە یەک کاتژمێر وەرزش بکەن و هەموو ساڵیک باری تەندروستیی ئەو کەسانەیان تۆمار کردبوو.
دەرەنجامەکانی توێژینەوەکە ئەوە دەخەنە ڕوو، ئەوانەی بەلانی کەمەوە لە هەفتەیەکدا چالاکی جەستەیی جۆراوجۆریان ئەنجام‌دابوو، مەترسیی توشبوونیان بە نەخۆشییەکانی ئێسک (وەک پووکی ئێسک) و ئازاری پشت و جومگەکان و نەخۆشی ڕۆماتیزم، بە ڕێژەی ٨٦% کەم بووەتەوە.
ئاماژەیان بەوەش کردووە، جۆرە وەرزشەکانی وەک هەڵاتن یان بە پیاسەکردن، سەرکەوتن بەسەر پەیژه یان پلیکان، ڕاهێنانی وەرزشی لە هۆڵە وەرزشییەکاندا و هەر جوڵەیەکی ئاسایی تر کە لە ژیانی ڕۆژانەدا دەتوانرێ بکرێت کاریگەری ئەرێنیان لەسەر جەست دەبێت.
|
