۱۴۰۳/۲/۷ ۶:۳۱
| تاريخ: ۱۳۹۸ شنبه ۱۵ تير ساعت ۱۹:۴۲ | بازدید: 1292 نظرات: 0 کد مطلب: 11331 |
دەنگدانەوەی تواناکانی پیانیستێکی نابینای کورد لە تورکیا
بە پێ هەواڵی هاژە، تواناکانی پیانیستێکی نابینای کورد لە تورکیا دەنگ دانەوەیەکی گەورەی بەدوای خۆی‌دا دەهێنێت.
باگەر چاڵشجی تەمەن حەوت ساڵان، یەکێکە لە بچووکترین پیانیستەکانی تورکیا و سەرەڕای بێ بەش بوونی لە هەستی بینین، کەچی دەنگێکی ناوازەی هەیە و ئاوێتەیەکی جوان لەگەڵ ئاوازەکان دروست کردووە.
چاڵشجی خەڵکی مووشی باکووری کوردستانە و لە گوندەکەیدا کۆنسێرتێکی بچووکی ڕێکخست و دوای دەنگدانەوەی چیرۆکەکە، لەلایەن گەورە پیانیستێکی تورکیاوە بانگهێشتی ئیستانبوڵ کرا.
ئەو پیانیستە کوردە نابینایە دەڵێت، بە ژەنینی پیانۆ زۆر دڵخۆش دەبم و دەمەوێت رۆژێک منداڵانی دیکەش فێری ئامێری پیانۆ بکەم.
باوکی باگەر دەڵێت: لێم پرسی کە ئایا ئەو دەیەوێت رۆژێک وەک بێتهۆوڤن و مۆزارت ناوداربێت، لە وەڵامدا باگەر وتویەتی: "من دەمەوێت ببم بە باگەر نەک بێتهۆوڤن و مۆزارت".
سەرچاوە: کوردستان 24
|
