بەرهەمی نوێی وەرگێڕانی نووسەری مەهابادی لە چاپ درا

بەپێی هەواڵی هاژە، ڕێبازی ئەوین، نوێترین بەرهەمی وەرگێڕانی مستەفا مەولوودی، نووسەری مەهابادییە کە لە چاپ دراوە.

ئەم بەرهەمە وەرگێڕانێک لە کتێبی "ملت عشق"ی ئێلیف شافاک، نووسەری خەڵکی وڵاتی تورکیایە.

ئەم کتێبە لە ۴٨٠ لاپەڕەدا و لە قەتعەی وەزیری، لە بڵاوگەی ڕۆژهەڵاتی شاری سنە لە تیراژی ۵٠٠ بەرگیدا له چاپ دراوە.

هەڵەچنیی کتێبی ڕێبازی ئەوین لە ئەستۆی جەلال مەحموودزادە بووە و دیزاین و پەڕبەندیی کارەکە سەیران بەختیارپوور کردوویەتی، هەروەها کاری ڕووبەرگ لە لایەن ئەسرین مەولوودی ئەنجام دراوە.

مستەفا مەولوودی ناسراو بە شێرکۆ لەدایکبووی ساڵی ١٣۴١ی هەتاویی شاری مەهابادە و خانەنشینی ئیدارەی فێرکاری و بارهێنانە.