جان كلۆد یونكر سه‌رۆكی كۆمسیۆنی یه‌كێتی ئه‌وروپا رایگه‌یاندوه‌، توركیا ده‌بێت ته‌واوی ئه‌و خاڵانه‌ جێبه‌جێ بكات كه‌ له‌لایه‌ن یه‌كێتیه‌وه‌ پێدراوه‌و بۆی كراوه‌ به‌مه‌رج بۆ به‌ئه‌ندامبوون .

راشیگه‌یاندوه‌: توركیا ده‌بێت سه‌رنجی یه‌كێتیه‌كه‌ له‌ڕووی خزمه‌تكردن و گرنگیدان به‌ ژیانی په‌نابه‌ران رابكێشێت و به‌پێی ئه‌و رێكه‌وتنه‌ی له‌نێوان هه‌ردوولادا هه‌یه‌ هه‌نگاو بنێت .

بۆ به‌ئه‌ندامبوون له‌یه‌كێتی ئه‌وروپا 72 به‌ند دانراون كه‌هه‌ر وڵاتێكی ئه‌وروپی ئه‌وانه‌ی تێدا هه‌بێت و بتوانێت جێبه‌جێ بكات ئه‌وه‌ ده‌خرێته‌ كێبڕكێی مافی ئه‌ندامێتیه‌وه‌.

یونكر ئاماژه‌ی به‌وه‌شداوه‌، هه‌روه‌ها یه‌كێك له‌خاڵه‌ گرنگه‌كان ده‌بێت توركیا به‌رامبه‌ر به‌خودی گه‌له‌كه‌ی له‌ناو خۆدا دۆخێكی ئاسایی دروست بكات و مافی گه‌لانی تریش بدات .

سه رچاوه: چاودێر