به پێی هەواڵی هاژه، ڕۆژی پێنجشەممە 19ی رەزبەری1403 هەتاوی، پەنێلێکی زانستی لە سەر زمانی کوردی و ڕەهەندە جوراوجۆرەکانی لە هۆڵی ئیدارەی فەرهەنگ و ئیرشادی ڕوانسەر بەڕێوەچوو.

ئەم کۆڕە زانستیە لە ماوەی 4کاتژمێر واتە لە کاتژمێر 4ی لای ئێوارە تا 8ی شەو درێژەی هەبوو.

 ئەم کۆڕە زانستیە  لە دوو بەش پێک هاتبو، بەشی یەکەم پێشکەش کردنی توێژینەوەکانی لەخۆگرتبووو و بەشی دووهەمیش تایبەت بە پرسیار و وەلام بوو.

یەکەم وتار لە ژێرناونیشانی (زمانی نەریت؛ ناکاوییەکان و ناڕەزایەتییەکانی/ زبان سنت نابهنگامی‌ها و ناخرسندیهایش) لە لایەن دوکتور مەسعوود بینندە دوکتورای کۆمەڵناسی و مامۆستای زانکۆی کوردستان پێشکەشکرا.

وتاری دووهەم لە لایەن پسپوڕی زماناسی بەڕێز ئیرەج (ئاوات)ئەحمەدی لە ژێر ناونیشانی(بەڵگەمەند کردنی زمان و پولینبەندی بەشە کانی زمانی کوردی/مستند سازی زبان و طبقه بندی گونه های زبان کردی) پێشکەشکرا.

بەڕێز کاوان محەمەدپووڕ، پسپوڕ لە بوواری ڕەخنەی ئەدەبی، توێژینەوەی(کارکردی زمان لە پێکهاتەی گێڕانەوەی ڕوماندا/ کارکرد زبان در ساختار روایت رمان)ی خستە بەر باس.

پاش پێشکەش بوونی وتارەکان، بەشی پرسیار و وەڵام دەستی پێکرد کە ماوەی یەک و نیم کاتژمێر درێژەی خایاند. لەم بەشەدا بەشدار بووان بە ئاراستەکردنی پرسیار و ڕەخنە و پێشنیار بوونە هۆکارێک بۆ شڕوڤەبوونی زێدەتری بابەتەکان .

بەشداربووانی ئەم کۆڕە زانستیە، لەشارەکانی ڕوانسەر، جوانڕۆ، پاوە، کرماشان، سنە، کامێران و سەلاسی باوەجانی ئامادەببوون.