بەپێی هەواڵی هاژە، ئەمڕۆ پێنجشەممە، ١۵ی خەرمانانی ١۴٠٣، سێهەمین فێستیواڵی ناوچەیی هالان لە مەهاباد بە ناساندنی کەسانی سەرکەوتوو کۆتایی پێ هات.

یاقووب خزری، بەرپرسی لێژنەی داوەریی سێهەمین فێستیواڵی هالان، گوتی: ئەم فێستیواڵە لە تەمەنی بەینی ۶ تا ١٢ ساڵ بەڕێوە چوو و بە سێ بەشی ۶ تا ٨، ٨ تا ١٠ و ١٠ تا ١٢ ساڵە دابەش کرا.

ناوبراو هەروەها گوتی: نیزکەی ١٠٠ بەرهەم بۆ فێستیواڵی چیرۆک‌بێژیی هالان ناردرابوون کە لەوانە، ١٨ چیرۆک بۆ قۆناغی داوەری هەڵبژێردران.

یاقووب خزری ڕایگەیاند: سێ کەس لە سێ بەشی تەمەنی، وەک براوە ناسێندران و سێ کەسی دیکەش وەک شایستەی ڕێزلێنان، ڕێزیان لێ گرترا.

براوەکانی سێهەمین فێستیواڵی چیرۆک‌بێژیی هالان بەم چەشنەیە:

تەمەنی ۶ تا ٨، ئاوا عوسمانی

تەمەنی ٨ تا ١٠، باران شەریفی

تەمەنی ١٠ تا ١٢، دینا بەنەفشی

کەسانی شایستەی ڕێزلێنان بریتین لە:

تەمەنی ۶ تا ٨، سارۆ ساکار

تەمەنی ٨ تا ١٠، هێلین ئەحمەدی

تەمەنی ١٠ تا ١٢، ژوان بەلکامه

لەیلا ساڵحی، نیشتمان جاویدان و یاقووب خزری، داوەریی فێستیواڵی چیرۆک‌بێژیی هالانیان ئەنجام دا.

هەروەها سوارە فتووحی دەبیری و شەهرام ئیراندوست بەرپرسایەتیی گشتیی فێستیواڵەکیان لە ئەستۆ بوو.