بە پێی هەواڵیی هاژە ژمارەی ٢٢٧ی گۆڤاری مەھاباد چاپ و بڵاو کرایەوە.
مودیر مەسئول سەروتاری ئەم ژمارەیە بە «گەمەی زل‌هێزان» ناودێر دەکات و باس لە وتەی باڵوێزی بەریتانیا لە عێراق بۆ نەوەی شێخ مەحموودی حەفید دەکات و دەڵێت: « ئێمە لەو سەردەمەدا هیچمان بۆ کورد نەکرد جگە لە دژایەتی کردن، بۆیە بە فەرمی وەک شانشینی بەریتانیا داوای لێبوردن لە گەلی کورد و بنەماڵەی شێخ مەحموود دەکەین.»
ئەحمەد بەحری لەم وتارەدا وێڕای وەبیرهێنانەوەی حکوومەتی شێخ مەحموود و ڕۆڵیی بەریتانیا لە سەرکووتی ئەم دەسەڵاتە و داوای لێبوردنی ئەوان لەهەمبەر ئەم کارە قێزێونە دا وەک «گەمەی زل‌هێزان» ناو دەبات.
بەحری ڕۆژهەڵاتی ناوەڕاست بە مەیدانی تەراتێنی زل‌هێزان ناو دەبات و ڕای وایە ئەوەی بایەخی پێ نادرێت ، «مافی نەتەوەیایەتی نەتەوەکانی چەوساوەیە»
مودیر مەسئول لەکۆتاییدا بۆ ڕای گشتی و خوێنەر دەیهەوێت ئەو لێبوردنەی بەریتانیا ڕوون بێتەوە کە «چلۆن دوای دووسەد ساڵ خەریکە لە پێش چاوی ئەو شانشینە شیرن دەبێ!»
وتارەکانی ئەم ژمارەیەی گۆڤاری مەھاباد لەسەر سەکۆی کۆمەڵایەتی ، فەرهەنگی و ئەدەبی دەوەستنەوە. ئەم ژمارەیە لە ٢٢ وتاری کوردی و ٢ وتاری فارسی پێکهاتوون.
لەم ژمارەیە دا لە بەشی شێعردا فایلی «ئەمینی شاعیر» و بەشی شێعر «هێما _ پشکۆ یاسینی» تێخزێندراوە و لەبەشی فارسی دا باسێک لەسەر «انجمن خیریە امید» کراوە.
وتارە کوردییەکان بریتین لە:
گەمەی زل‌هێزان / مودیر مەسئول
وەحیدەخانی مەردووخی/ نەسرین جەعفەری
سەری ڕێز دادەنوێنم بۆ ئەوڕەحمانی حاجی مارف/ ئەحمەد بەحری
چێشتی مجێور هیچی لێ سانسۆر نەکراوە / خانی شەرەفکەندی
وت‌ووێژ دەگەڵ ئیرەج قادری‌ئازەر / یاقوب خزری
چۆپی لە مژدا / عەلی عەبداڵی
مێژووی ئیدارەی سەبت‌وئەحواڵی مەهاباد / محەممەدفازل شەوکەتی
پنپینک / سۆما یووسفی
ئەوینی سەردەمی منداڵی / پەروین دانیش‌پەژووە
پەنجەمۆر / هاشم سەلیمی
ڕۆڵی مۆسیقا و گۆرانی لە « شاری مۆسیقارە سپییەکان»دا / محەممەد ئەدەبیی
هەمزە‌ئاغای حەمیدی ، زەریایەک لە تاسە و حەزه / سەلام ئیسماعیل‌سورخ
بە تەنیا چوون بۆ مەحکەمەی قازی / مەسعوود ڕەشیدی
کۆڵانەکەی ماڵی باوکم / حەسەن ڕەوش
فەرهەنگ‌نووسیی کوردی / ئەحمەد ئەحمەدیان
ئەنیستیتۆی ئەندیشەی ئەحمەدی خانی لە ورمێ / سوارە فتووحی
هەوڵێک و ئاکامێک / حەسەن شوجاعی
دامەزران و ئاکامی ناوەندێکی فەرهەنگی/ کافی عەلەوی
چالاکییەکانی ئەندیشەی ئەحمەدی خانی/ ڕەسووڵ وەیسی
ئەنستیتوویا هونەری و چاندییا ئەحمەدی خانی/ شلێر ئەمرانژاد
ئەنستیتۆیا بیر و هزرێن ئەحمەدی خانی/ سەید جەلال نیزامی
ئەزموونێکی بێ‌ئاکام / ڕەزا عەبدوڵڵازادە
وتارە فارسییەکان بریتین لە:
کتاب کُرد / سید قادر جعفری
تنظیم بیع‌نامه در ساوجبلاغ / شریف عظیمی
وێنه‌ی ڕووبەرگی ئەم ژمارەیە، لە قەڵای دمدم پێکهاتووە کە هونەرمەند ئیرەج قادری‌ئازەر کێشاویەتەوە.