به‌ پێی ئه‌م ڕاپۆرته‌، ئه‌م کۆنسێرته‌ له‌ لایه‌ن خه‌ڵکی سنه‌وه‌ پێشوازییه‌کی یه‌کجار گه‌رمی لێکراوه‌. له‌ کۆتایی کۆنسێرته‌که‌، خه‌ڵکی داوایان کردووه‌ که‌ که‌یهان که‌ڵهوڕ له‌ شاری سنه‌ کۆنسێرتی زیاتر به‌ڕێوه‌ ببات.

شایانی باسه‌ که‌ له‌م کۆنسێرته‌دا، ئه‌م هونه‌رمه‌نده‌ ناسراوه‌ی کورد چه‌ندین به‌سته‌ و ملۆدی کوردی و فارسی پێكشه‌ش کردووه‌.

که‌یهان که‌ڵهوڕ له‌ ۳ سه‌رماوه‌زی ۱۳۴۲ له‌ شاری کرماشان له‌ دایک بووه‌ و ئامێری که‌مانچه‌ لێده‌دات و به‌ هۆی لێهاتووی و توانی باڵای موزیکه‌وه‌ ناوبانگێکی جیهانی یه‌کجار زۆری هه‌یه‌ و تاکوو ئێسته‌ به‌ ده‌یان جار له‌ ناوخۆی ئێران و ده‌ره‌وه‌ی ئێران خه‌ڵات کراوه‌.