به پێی هەواڵی هاژه، کۆمەڵەشێعری «کۆچ» نووسراوەی سەید نووح عینایەتی ڕەوانەی بازاڕ کرا.

کتێبی «کۆچ»، لە نووسینی سەید نووح عینایەتی ناسراو به «نەبەز» که بۆ سەر کێل و بەردی کۆچکردووان نووسراوە، کەوته بەردیدی خوێنەران.

ئەم پەڕتووکە لەلایەن ڕەسووڵ کەریمی «سووتاو» و قاسم موئەیەدزاده «هەڵۆ» پێشەکی لەسەر نووسراوە و  لە 228 لاپەڕەدا، لەلایەن بڵاوگەی «گوتار» هاتووەتە وەشاندن.

هۆگرانی شێعر و وێژەی کوردی، دەتوانن ئەم کتێبە لە کتێب‌فرۆشییەکانی مەهاباد و شارەکانی دەوروبەر وەدەست بخەن.

سەید نووح عینایەتی «نەبەز» ساڵی 1352ی هەتاوی لە شاری مەهاباد لەدایک بووە و لە بواری نووسین‌دا چالاکه.